Newsletter

Orkiestra/Łem

PL EN UA

Неє в Польщи регіону котрий міг бы ся похвалити так великом і спонтанно виражаном популярністю свого музичного фолькльору як Лемковина. Та певні має свій уділ в тым, магія і історія тых гір, але не можна не повісти о лемківскых пісьнях без вказаня ix суто музичных і естетичных вартости. Іх неповторна, ностальгічна мелодика то результат мішання ся ріжних традиціі – украінской, словацкой і польской, котры зальишают ся в тісним звязку з музичном культуром цілой карпатcкой смугы, а зєднаны сут споконвічным, властивым для цілых Карпат волоскым діапазоном. Іх краса справлят, же сут обовязковом частином репертуару великой групи виконавців, котры гнеска грают традицийну музику.

Лемковина то особлива карпатcка краіна... Сьліды числьенних колиси сел, висмотрит лем проникльивий смотрец. Передераючи ся през море крячын і поля коприв, якбы археолог, што глядат загыблих цивілізаціі през наступний колонізацийний щабeл, найде стары криниці, пeвниці і підмурівкы хыж, придорожны хресты, церковища, цмонтери... Такiй образ то сьліды брутальных, повоєнных выселень лемківского народу, зроблених в сороковых роках минулого столітя, през сталіньску владу Польщи. Разом з загородами, трагедю пережила лемківска культура, з тяжкым трудом і вельиком повагом плекана през тых, котры повернульи на рідну землю, або єднали ся на західних землях.

Вытрималыми і ефектывными в одкрываню „Лемківской Атлантиди” были туристи, котры вподобали собі таємничы горы і долины, а незвичайну ролю в шырiню лемківской культуры одогральи гірскы вандрівці з вельикых університетcкых осередків. В каждiй вільній хвилі втікали в горы, жебы дыхнути свободом і хоц на коротко втечи з кісных реалів сірого ПРЛ-у. Не лем студенты, але тіж прфесоры на біваках при вечерных ватрах з охотом сьпівальи лемківскы сьпіванкы. В такых обставинах і в тых кругах під конец вісемдесятых років народила ся Оркєстра св. Миколая.

Думка одтворiня звуків лемківскых гудаків получыла музикантів Оркєстри, з котрых каждий вандрує кусьцьок іншом доріжком інспіраціі. Сут серед нас тоти вандрівці, любителі што на ново одкривальи Лемковину, якы практикуют карпатcку музику. Сут тіж такы котрых предки мешкальи в тых горах. Чи хоц кусьцьок удало ся нам одповісти на пытаня, яка была тота музика? А може тота наша плыта то лем голос в дискусіі яка могла бы быти гнешня народна лемківска музика, коли бы історiя ліпше потрактувала Лемків і іх культуру...

Demo:

  1. Wandrywnyci
  2. Zahraj Ze Nam Zahraj
  3. Ne Lubil Jem Tia
  4. Palynoczka
  5. Ozenyl Jem Sia
  6. Hej Mam Ja Kosu
Bogdan Bracha

skrzypce

Marysia Natanson

skrzypce, altówka

Ania Bielak

skrzypce

Kasia Mikołajczak

skrzypce

Robert Brzozowski

kontrabas